Celeb Best Blog

Poet of the Month for Allama Iqbal Day
Hakeem-ul-Ummat, Muffakkir-e-Pakistan, Shaair-e-Mashriq, Dr. Sir Allama Muhammad Iqbal- a person considered to be the GREATEST and the BIGGEST poet of 20thcentury by a majority of Critics needs no introduction on his name forhe is commonly well known to everyone who is related to Pakistan insomeway or other and to muslims especially Arabs who have read histranslated work...

The following information about him is taken from Wikipedia and is accurate as per my own knowledge about him.
------------------------------------------------------------------------------------------------

Sir Muhammad Iqbal (Urdu: محمد اقبال) born(November 9, 1877 – April 21, 1938) was a Muslim poet, philosopher andpolitician born in Sialkot, British India (now in Pakistan), whosepoetry in Urdu and Persian is among the greatest of the modern era, andwhose vision of an independent state for the Muslims of British Indiawas to inspire the creation of Pakistan. He is commonly referred to as Allama Iqbal (علامہ اقبال‎, Allama lit. Scholar.)

After studying in England and Germany, Iqbal established a lawpractice, but concentrated primarily on writing scholarly works onpolitics, economics, history, philosophy and religion. He is best knownfor his poetic works, including Asrar-e-Khudi—which brought a knighthood— Rumuz-e-Bekhudi, and the Bang-e-Dara,with its enduring patriotic song Tarana-e-Hind. In Afghanistan andIran, where he is known as Iqbāl-e Lāhorī (اقبال لاهوری‎ Iqbal ofLahore), he is highly regarded for his Persian works.

Iqbal was a strong proponent of the political and spiritual revival ofIslamic civilisation across the world, but specifically in India; aseries of famous lectures he delivered to this effect were published asThe Reconstruction of Religious Thought in Islam. One of the mostprominent leaders of the All India Muslim League, Iqbal encouraged thecreation of a "state in northwestern India for Indian Muslims" in his1930 presidential address. Iqbal encouraged and worked closely withMuhammad Ali Jinnah, and he is known as Muffakir-e-Pakistan ("TheThinker of Pakistan"), Shair-e-Mashriq ("The Poet of the East"), andHakeem-ul-Ummat ("The Sage of Ummah"). He is officially recognised asthe "national poet" in Pakistan. The anniversary of his birth (یومولادت محمد اقبال‎ - Yōm-e Welādat-e Muhammad Iqbāl) on November 9 is aholiday in Pakistan.

Iqbal Died on April 21st, 1938 in Lahore.
-------------------------------------------------------------------------------------------------

His works in urdu includes the following books in his name:

• Baang-e-Dara (1924)
• Baal-e-Jibreel (1935)
• Zarb-e-Kaleem (1936)
• Armaghan-e-Hijaaz (1938)

His works in Persian includes the following books in his name:

• Asrar-e-Khudi (1915)
• Rumuz-e-Bekhudi (1918)
• Payaam-e-Mashriq (1923)
• Zaboor-e-A'jam (1927)
• Javaidnaama (1932)
• Pas Chah Bayaad Kard (1936)
• Armaghan-e-Hijaaz (1938) - also in the list of urdu poetry
•  PHILOSOPHER OF THE PAKISTAN
   
  

DR.Allama Iqbal Poetry
Tanhaaiee

Tanhaaiee-e-Shabb maiN HazeeN kiyaa?
Anjum nahiN teray hum nasheeN kiyaa?

Ye Rif'at-e-Aasmaan-e-Khaamosh
Khuaabeeda zameeN jaahaan-e-Khaamosh

Ye chaand, ye dasht-O-dar, ye Kohsaar
Fitrat hay tamaam nastar'n-e-zaar

Motee khush rung piyaaray piyaaray
Ya'ni teray aaNsoo'ouN kay taaray

Kiss shay kee tujhay hawiis hay aey Dil!
Qudrat teri hum nafs hay aey Dil!

--Allama Iqbal- Baang-e-Dara
Chaand by ALLAMA IQBAL from Baang-e-Dara:

meray weeraanay say kossoon dooo hay tera watan
Hay magar darya-e-dil teri kashish say Moujzan

Qasad kiss mehfil ka hay? Aata hay kiss mehfil say tu?
zard ro shaayad huvaa ranj-e-rah-e-manzil say tu?

Aafreenush main saraapaa noor tu, zulmat hoon main
Iss seeh rozi pay laikin tera humm qismat hoon main

Aah! main jaltaa hoon soz-e-Ishtiaaq-e-deed say
Tu saraapaa soz-e-daagh minnat-e-khursheed say

Aik halqay par agar qaaim teri raftaar hay
Meri gardish bhii misaal-e-gardish-e-parkaar hay

Zindagi kee tah main sargirdaan hay tu, Hairaan hoon main
Tu farozaan mehfil-e-hasti main hay, sozaan hoon main

Main rah-e-manzil main hoon, tu bhii rah-e-manzil main hay
Teri mehfil main jo khamoshi hay, meray dil main hay

Tu talab khu hay tau mera bhii yehi dastoor hay
Chaandni hay noor tera, Ishq mera noor hay

Anjuman hay ik meri bhii jahaan rehtaa hoon main
Baz'm main apni agar yaktaa hay tu, tanhaa hoon main

Mehr ka partau teray haq main hay peghaam-e-ajal
Mehv kar deta hay mujh ko Jalwah-e-Husn-e-azal

phir bhii aey Maah-e-Mubeen! Main aur hoon tu aur hay
Dard jiss pehloo say Utthta ho woh pehloo aur hay

Garchay main zulmat saraapaa hoon, saraapaa noor tu
Senkrroon manzil hay zoq-e-aagahi say dooor tu

Jo meri hasti ka maqsad hay mujhay maaloom hay
Yeh chamak woh hay, Jabeen jiss say teri mehroom hay

From Baal-e-Jibreel...

Kiyaa Ishq aik zindagi-e-Musta'ar kaa!
Kiyaa Ishq paaeydaar say naa paaeydaar kaa!

Woh ishq, jiss kee sham'a bujhaa day ajal kee phoonk
Uss maiN mazaa nahiN tapish-O-intezaar kaa

Meri bisaat kiya hay? tub-O-taab-e-yak naf's
Sho'la say bay meh'l hay Ulajhna sharaar kaa

Kar pehlay mujh ko zindagi-e-JawedaaN Ataa!
Phir zoq-O-shoq dekh dil-e-bay qaraar kaa!

KaaNTa woh day kay jiss kee khaTTak laa zawaal ho
Yaa rabb woh dard jiss kee kassak laa zawaal ho
This one is particularly one of my favorites too... The real and truedefinition of what Life actually is according to the CREATOR of life isbeautifully depicted by The Poet of the east Sir. Muhammad Allama Iqbalin His book Baal-e-Jibreel

Zindagi


Bar tar az andesha-e-sood-O-ziyaan hay Zindagi
Hay kabhi Jaan aur kabhi tasleem-e-jaan hay Zindagi

Tu issay Paimaana-e-Imroz-O-fardaa say naa naap
Javedaan, Pehamm dawaan, Har damm jawaan hay Zindagi

Apni dunyaa aap peda kar agar zindoun main hay
Siir-e-Adam hay, zameer-e-kun fikaan hay Zindagi

Zindagaani ki haqeeqat Koh-kunn kay dil say pooch
Joo-e-sher-O-teesha-O-sang-e-giraan hay Zindagi

Bandagi main ghatt kay reh jaati hay ik joo-e-kamm aab
aur aazaadi main behr-e-bay karaan hay Zindagi

Aashkaaraa hay yeh apni quwwat-e-taskheer say
garchay ik mitti kay paikar main nihaan hay Zindagi

Qulzum-e-Hasti say Ubhraa hay tu maanind-e-Hubaab
Iss ziyaan khaanay main teraa imtehaan hay Zindagi
[< this is my one of the favorites after second shair]


Khaam hay jubb tukk tu hay mitti kaa aik an(m)baar tu
Pukhtaa ho jaaey tau hay shamsheer-e-bay zanhaar tu

Ho sadaqat kay liyeh jiss dill main marnay ki tarrap
Pehlay apnay paikar-e-khaaki main jaan paidaa karay

Phoonk daalay yeh zameen-O-aasmaan paida karay
Aur khaakistar say aap apna jahaan paida karay

Zindagi ki quwwat-e-pinhaan ko kar day aashkaar
Taa yeh chingaari farogh-e-javedaan paida karay

Khaak-e-mashriq par chamak jaaey misaal-e-aaftaab
Taa bidakhshaan phir wohi La'al-e-giraan paida karay

Soe-e-girdoon naala-e-shabgeer kaa bhaijay safeer
Raat kay taaroun main apnay raazdaan paida karay

Yeh Gharri Mehshar kee hay tu arsa-e-mehshar main hay
Paish kar ghaafil, Amal koie agar daftar main hay
(MaaN kaa Khuaab)
MaiN soee jo ik shab tau dekha yeh khuaab
BaRRha aur jiss say meraa izteraab

Yeh dekha kay maiN jaa rahi hooN kahiN
Andhera hay aur rah milti nahiN

Laraztaa thaa dar say mera baal baal
Qadam ka thaa dehshat say uTThna muhaal

Jo kuch hosla paa kay aagay baRRhi
Tau dekha qataar ik laRRkouN ki thee

Zamarrud sii poshaak pehnay huay
Diye sub kay haathouN maiN jaltay huay

Woh chup chaap thay aagay peechay rawaaN
Khudaa jaanay jaanaa thaa unn ko kahaaN

Issi soch maiN thee kay mera pis'r
Mujhay iss jama'at maiN aaya nazar

Woh peechay thaa aur taiz chaltaa naa thaa
Diya uss kay haathouN maiN jaltaa naa thaa

Kahaa maiN nay pehchaan kar meri jaaN
Mujhay choRR kar aa gaye tum kahaaN?

Judaaie maiN rehti hooN maiN bay qaraar
Pirotii hooN roz ashkouN kay haar

Na parwaa hamaari zara tum nay kee
gaye choRR, acchi wafa tum nay kee

Jo bacchay nay dekha mera pech-O-taab
Diya uss nay moonh pher kar youN jawaab

Rulaati hay tujh ko judaaie meri
NahiN iss maiN kuch bhee bhalaaie meri

Yeh keh kar woh kuch dair tukk chup rahaa
Diyaa phir dikhaa kar yeh kehnay laggaa

Samajhti hay tu ho gayaa kiyaa issay?
Teray Aansoo'ouN nay bujhaayaa issay

Haqeeqat-e-Hus'n
Khudaa say hus'n nay ik roz yeh sawaal kiyaa
JahaaN maiN kiouN na mujhay tu nay laazawaal kiyaa?

Millaa jawaab kay tasveer khaanaa hay duniyaa
Shabb-e-daraaz ad'm kaa fassaanaa hay duniyaa

Huee hay rang-e-taghaiuur say jub namood iss kee
Wohi haseeN hay haqeeqat zawaal hay jiss kee

KahiN qareeb thaa, ye guftugu qamar nay sunee
Falak pay aamm huee, Akhtar-e-seh'r nay sunee

Seh'r nay taaray say sunn kar sunaaie shabnam ko
Falak kee baat bataa dee zameeN kay mehramm ko

Bhar aaye phool kay aansoo piyaam-e-shabnam say
kali ka nanhaa saa dil khoon ho gayaa ghamm say

Chaman say rotaa huaa Mosam-e-Bahaar gayaa
Shabaab sair ko aayaa thaa, sogwaar gayaa

--Dr. Sir Muhammad Allama Iqbal

Na Tu Zameen kay liyeh hay, na aasmaan kay liyeh



Na Tu Zameen kay liyeh hay, na aasmaan kay liyeh
Jahaan hay teray liyeh, tu nahin jahaan kay liyeh

Yeh aql-O-dil hain shara'r shola-e-mohabbat kay!
Woh khaar-O-khass kay liyeh hay, yeh neestaan kay liyeh!

Muqaam-e-parvarish-e-Aah-O-naalaa hay yeh chaman
Na sair-e-gul kay liyeh hay, naa aashiyan kay liyeh

Rahay gaa Raavi-O-Neel-O-Firaat main kabb takk?
Tera safeena kay hay Behr-e-Bay karaan kay liyeh

Nishaan-e-Rah dikhaatay thay jo sitaaroun ko
Tarass gaye hain kissi mard-e-Rah daan kay liyeh!

Nigah-e-Buland, Sukhan dil nawaaz, Jaan pur soz!
Yehi hay rakht-e-safar meer-e-kaarwaan kay liyeh

Zara si baat thee, andesha-e-Ajam nay ussay
Barrha diyaa hay faqat zaib-e-daastaan kay liyeh

Meray Guloo main hay Ik Naghma-e-Jibraeel-e-Aashoob
Sanbhaal kar jissay rakhaa hay la makaan kay liyeh

Taken from Baang-e-Dara


Tuloo-e-Islam

Daleel-e-Subuh-e-roshan say sitaaroun kee tunak taabi
Ufq say aaftab ubhra, gaya daur-e-giraan khuaabi

Urooq-e-murda-e-mashriq main khoon-e-zindagi daurra
Samajh saktay nahin iss raaz ko *Seena*-O-*Faraabi*

Musalmaan ko musalmaan kar diyaa toofan-e-maghrib nay
talaatum haaey daryaa he say hay gohar kee seraabi

Ata momin ko phir dargah-e-haq sat honay waala hay
Shikwa-e-turkamani, Zehn-e-Hindi, Nutq-e-A'araabi

Asar kuch khuaab kaa ghunchoun main baaqi hay tau aet bulbul
"nuaara talkh turmi zan choo zouq-e-naghma kam yaabi"

Tarrap sehn-e-chaman main, Aashiyaan main, shaakhsaaroun main
Judaa paaray say ho sakti nahin taqdeer-e-seemabi

Woh chashm-e-pak been kioun zeenat-e-bargistawaan dekhay
Nazar aati hay jiss ko mard-e-ghazi kee jigar taabi

Zameer-e-Laala main roshan charaagh-e-aarzu kar day
Chaman kay zarray zarray ko Shaheed-e-Justuju kar day

sarishk-e-chashm-e-muslim main hay neesaan ka asar peda
Khalilulah(A.S) kay darya main houn gey gohar peda

Kitaab-e-millat-e-baiza ki phir sheeraza bandi hay
Yeh shaakh-e-haashmi karnay ko hay phir barg-o-bar peda

rabood aan turk-e-sheeraazi dil-e-tibreez-o-kabul raa
Saba karti hay Boo-e-gul say apna hamm safar peda

Agar Usmaanioun par koh-e-gham toota tau kiya gham hay
kay khoon-e-sad hazar anjum say hoti hay Seh'r peda

Jahaanbaani say hay dushwaar-tar kaar-e-jahaan beeni
Jiger khoon ho tau chashm-e-dil main hoti hay nazar peda

Hazaaroun saal Nargis apni bay noori pay roti hay
barri mushkil say hota hay chaman main deeda war peda

nuaa-e-pera ho aey bulbul kay ho teray tarannum say
kabootar kay tan-e-naazuk main Shaheen ka jigar peda

teray seenay main hay posheeda raaz-e-zindagi keh day
Musalmaan say hadees-e-soz-o-saaz-e-zindagi keh day

Khuda-e-lam yazil dast-e-qudrat tu, zubaan tu hay
Yaqeen peda kar aey ghafil kay maghloob-e-gumaan tu hay

Paray hay charkh-e-neeli faam say manzil musalmaan ki
Sitaaray jiss kee gird-e-rah hon, woh kaarwaan tu hay

Makaan faani, makeen aani, az'l tera, abad tera
Khuda kaa aakhiri pegham hay tu, javedaan tu hay

Hina band-e-Uroos-e-Laala hay khoon-e-jiger tera
Teri nisbat baraaheemi hay maymaar-e-jahaan tu hay

Teri fitrat ameen hay mumkinaat-e-zindagani ki
Jahaan kay johar-e-Muzmar ka goyaa imtehaan tu hay

Jahaan-e-Aab-O-gil say Aalam-e-Javed ki khaatir
Nubuwat saath jiss ko lay gaie, woh armaghan tu hay

Yeh nukta sargazisht-e-Millat-e-Beza say hay peda
Kay aqwaam-e-zameen-e-Asia kaa paasbaan tu hay

Sabaq phir parrh sadaqat ka, adaalat ka, shuja'at ka
Liyaa jaey gaa tujh say kaam dunyaa ki imaamat ka

Yehi maqsood-e-fitrat hay, yehi ramz-e-musalmani
Ukhuwat ki jahaangeeri, Mohabbat ki faraawani

Butaan-e-rang-O-khoon ko torr kar millat main gumm ho jaa
Na toorani rahay baaqi, na Irani, na Afghani

Miyaan-e-shakhsaraan Sohbat-e-Murgh-e-chaman kab takk
Tera baazu main hay parvaaz-e-Shaheen-e-Qehstaani

Gumaan Aabaad hasti main yaqeen mard-e-musalmaan ka
Bayaabaan ki shabb-e-taareek main qindeel-e-rehbaani

Mittaya Qaisar-O-Kisra kay istabdaad ko jiss nay
Woh kia thaa? zor-e-Haider, faqr-e-Bu zar, sidq-e-Salmani

Huvay ahraar-e-millat Jadah-o-pemaa kiss tajjammul say
Tamaashaie shigaaf-e-dar say hain sadiyon kay zindaani

Sabaat-e-zindagi Iman-e-mohkam say hay dunya main
Kay Almani say bhi Paaindah tar nikla hay Toorani

Jubb iss angarah-e-khaaki main hota hay yaqeen peda
Tau kar laita hay yeh baal-O-par Rooh-ul-Ameen peda

Ghulaami main naa kaam aati hain shamsheerain na, tadbeerain
Jo ho zoq-e-yaqeen peda tau katt jaati hain zanjeerain

Koie andazah kar sakta hay uss kay zor-e-baazu ka?
Nigah-e-mard-e-momin say badal jaati hain taqdeerain

Wilayat, paadshahi, Ilm-e-ashiya ki jahaangeeri
Yeh sub kia hain? faqat aik nukta-e-iman ki tafseerain

Baraaheemi nazar peda magar mushkil say hoti hay
Havis chup chup kay seenoun main banaa laitee hain tasveerain

Tameez-e-bandah-o-aaqa fasaad-e-aadmiyat say hay!
Khudraaey cheera-e-dastaan sakht hain fitrat ki ta'azeerain

haqeeqat aik hay har shay ki khaaki ho kay noori ho
Lahu khursheed ka tapkay agar zarray ka dil cheerain

Yaqeen mohkam, amal peham, mohabbat faata'hay aalam
Jihad-e-zindagaani main hain yeh mardoun ki shamsheerain

Chay bayad mard-e-raa taba'a-e-bulanday, mushrab-e-naabay
Dil-e-garmay, nigah-e-pak beenay, jaan-e-bay taabay

Uqaabi shaan sayjhapatt tay thay jo, bay baal-o-par niklay
Sitaaray shaam kay khoon-e-shafaq main doob kar niklay

huvay madfoon-e-daryaa, zer-e-darya ternay waalay
Tamaanchay moj kay khaatay thay jo, ban kar gohar niklay

Ghubaar-e-rah guzar hain, Keemiya par naaz thaa jin ko
Jabeenain khaak par rakhtay thay jo, akseer gar niklay

Hamaara narm ro qasid payaam-e-zindagi laayaa
Khabar deti theen jin ko bijliyaan, woh bay khabar niklay

Haram ruswaa huvaa, peer-e-haram ki kam nigaahi say
Jawaanaan-e-tataari kiss qadar sahib-e-nazar niklay

Zameen say nooriyaan-e-aasmaan parvaaz kehtay thay
Yeh khaaki zindah tar, paaindah tar, tabindah tar niklay

Jahaan main ahl-e-iman soorat-e-khursheed jeetay hain
Idhar doobay, udhar niklay, udhar doobay, idhar niklay

Yaqeen afraad ka sarmaaya-e-ta'ameer-e-millat hay
yehi quwwat hay jo soorat gar-e-taqdeer-e-millat hay

Tu raaz-e-kun fikaan hay, apni aankhoun par ayaan ho jaa
Khudi kaa raazdaan ho jaa, Khuda ka tarjumaan ho jaa

Havis nay kar diyaa hay tukrray tukrray No'-e-Insaan ko
Ukhuwat ka bayaan ho jaa, Mohabbat ki zubaan ho jaa

Yeh hindi, woh khuraasani, yeh Afghani, woh toorani
Tu aey sharmindah-e-saahil uchal kar bay karaan ho jaa

Ghubaar aaloodah-e-rang-o-nasab hain baal-o-par teray
Tu aey murgh-e-haram urrnay say pehlay pur fishaan ho jaa

Khudi main doob jaa ghafil! yeh sirr-e-zindagaani hay
Nikal kar halqa-e-shaam-o-seh'r say javidaan ho jaa

Musaaf-e-zindagi main seerat-e-folaad peda kar
Shabistaan-e-mohabbat main Hareer-O-pur niyaan ho jaa

Guzar jaa ban kar sel-e-tandoor Koh-o-bayaabaan say
Gulistan rah main aaey tau Joo-e-naghma khuaan ho jaa

Teray ilm-o-mohabbat ki nahin hay intehaa koie
Nahin hay tujh say barrh kar saaz-e-fitrat main nava koie

Abhi tuk admi said-e-zaboon-e-shehr yaari hay
Qiyamat hay kay Insaan No'-e-Insaan ka shikaari hay

Nazar ko khirah karti hay chamak tehzeeb-e-haazir ki
Yeh sannaae'e magar jhootay nigoon ki rezah kaari hay

Woh hikmat, naaz thaa jiss par khirad mandaan-e-Maghrib ko
Havis kay panjah-e-khooneen main taigh-e-kaar zaari hay

Taddabur ki fusoon kaari say Mohkam ho nahin saktaa
Jahaan main jiss tammaddun ki binaa, sarmaayaa daari hay

Amal say zindagi banti hay jannat bhi jahannum bhi
Yeh khaki apni fitrat main na noori hay naa naari hay

Khuroosh aamoz-e-bulbul ho girah ghunchay ki waa kar day
Kay tu iss gulistaan kay waastay baad-e-bahaari hay

Phir utthi Asia kay dil say chingaari mohabbat ki
Zameen jolaangah-e-atlas Qubayaan-e-ta'taari hay

Biya peda khareedar ast jaan-e-naa tawaanay raa
"Pus az muddat guzaar uftaad barmaa kaarwaanay raa"

Biya saaqi nuaaey murgh-e-zaar az shaakhsaar aamad
Bahaar aamad, nigaar aamad, nigaar aamad, qaraar aamad

Kasheed ab'r-e-bahaari khaima andar waadi-o-sehra
Sadaa-e-Aabshaaraan az faraaz-e-kohisaar aamad

Sirat gardum tohum qaanoon-e-paisheen saazdah saaqi
Kay khel-e-naghma pardaazaan qataar ander qataar aamad

Kinaar az zaahidan bar geer-o-bay baakaana saaghir kush
Pus az muddat azeen shaakh-e-koh'n baang-e-hazaar aamad

Ba mushtaqaan-e-Hadees-e-Khuwaja(S.A.W)-e-Bad'r-O-Hunain Aawar
Tassaruff haaey Pinhaan nash ba chashm-e-aashkaar aamad

Digar shaakh-e-Khaleel (A.S) as khoon-e-maan manaak megardud
B'ba zaar-e-mohabbat naqd-e-maa kaamil aiyaar aamad

Sar-e-khaak-e-Shaheeday barg haaey Laala mi paasham
Kay khoonish baa nihaal-e-millat-e-maa saaz gaar aamad

"Baya taa Gul-e-baynafshaa Neem-O-May dar-e-saaghar andaazayam
Falak raa saqaf bashgaa feem-O-tarah-e-deegar andaazayam"

Dau SitaaraY

AAye jo QiraaN maiN dau sitaaray
Kehnay lagaa aik doosray say

Yeh wis'l m'daam ho tau kiyaa khoob
Anjaam-e-kharaam ho tau kiyaa khoob

ThoRa saa jo Meh'rbaaN Falak ho
Humm dono kii aik hee chamak ho

Lekin yeh wisaal kii tamanna!
Peghaam-e-Firaaq thee saraapaa

Gardish TaaroN ka hai Muqqaddar
Har aik kii Raah hai Muqqarrar

Hai Khuaab Sabaat-e-A'ashnaaii
AaeeN jahaaN kaa hai Judaaii

Zuhd aur Rindi

Ik Maulvi Saahib kee sunaataa hooN kahaani
Tezi naheeN manzoor, Tabiyat kee dikhaani

Shohrah thaa bahut aap kee Sufi Munashi kaa
Kartay thay adab unn kaa a'aalii-O-adaani

Kehtay thay kay pinhaaN hai Tassawuuf maiN Shariya't
Jiss tarah kay Alfaaz maiN muzmir hoN ma'aani

Labrez ma'-e-zuhd say thee dil kee suraahi
Thee Teh maiN kaheeN duurd-e-Khiyaal-e-Hamadaani

Kartay thay bayaaN aap karaamaat kaa apni
Manzoor thee ta'adaad mureedouN kee baRhaani

Muddat say rahaa kartay thay hamsaaye maiN mairay
Thee Rind say Zahid kee mulaaqaat puraani

Hazrat nay miray aik shanaasaa say yeh poocha
IQbal kay hai Qamari-e-Shamshaad-e-ma'aan

Paabandi-e-Ahkaam-e-Shariya't maiN hai kaisaa?
Go sher maiN hai rashk-e-Kaleem-e-Hamadaani

Suntaa hooN kay kaafir naheeN Hindu ko samajhtaa
Hai aisa aqeedah asar-e-falsafa daani

Hai uss kee tabiya't maiN Tashshaiiyo' bhee zaraa saa
Tafzeel-e-Ali hum nay sunni uss kee zubaani

Samjhaa hai kay hai raag ibaadaaat maiN daakhil
Maqsood hai Mazhab kee magar khaak uRaani

Kuch a'aar ussay Husun FaroshouN say naheeN hai
A'aadat yeh hamaaray sho'raa kee hai puraani

Gaanaa jo hai Shub ko tau Seh'r ko hai tilaawat
Iss Ramz kay abb tuk naa khulay hum pay ma'aani

Laikin yeh sunnaa apnay mureedouN say hai maiN nay
Bay daagh hai maanind-e-seh'r iss kee jawaani

Majmoo'a-e-azdaad hai, IQbal naheeN hai
Dil daftar-e-Hikmat hai, Tabiya't Khafakaani

Rindi say bhee aagaah, Shariya't say bhee waaqif
Poocho jo Tassawuuf kee, tau Mansoor kaa saani

Iss shakhs kee hum par tau haqeeqat naheeN khulti
Hogaa yeh kissi aur hee Islam kaa baani!

Al-Qissa bahut toool diyaa wa'az ko apnay
Taa der rahi aap kee yeh naghz bayaaani

Iss shehr maiN jo baat ho, uRR jaati hai sub maiN
maiN nay bhee sunni apnay ahibba kee zubaani

Ik din jo sar-e-rah millay Hazrat-e-Zahid
Phir chiRR gaiee baatouN maiN wohi baat puraani

Farmaaya, shikaayat woh mohabbat kay sabbab thee
Thaaa farz miraa, raah shariya't kee dikhaani

MaiN nay yeh kahaa koie gilaa mujh ko naheeN hai
Yeh aap kaa huq thaa ziraah-e-qurb-e-makaani

Khamm hai sar-e-tasleem mairaa aap kay aagay
peri hai tawaazo' kay sabbab meri jawaani

Gar aap ko maa'loom naheeN meri haqeeqat
Pedaa naheeN kuch iss maiN Qusoor-e-Hamadaani

MaiN khud bhee naheeN apni haqeeqat kaa shanaasaa
Gehraa hai meray beh'r-e-khiyaalaat kaa paani

Mujh ko bhee tamanna hai kay Iqbal ko dekhooN
Kee uss kee judaaie maiN bahut ashk fashaani

Iqbal bhee Iqbal say aagaah naheeN hai!
Kuch iss maiN tamaskhur naheeN, Wallah naheeN hai

Aik Makhi aur aik MakRa (BachoN kaY liYe)

Ik din kissi makRi say yeh khenay lagaa makRaa
Iss rah say hotaa hai guz'r roz tumhaaraa

Laikin meri kuTTiyaa kee naa jaagi kabhi Qismat
Bhoolay say kabhi tum nay yahaaN paaouN naa rakhaa

GhairouN say naa miliye tau koie baat naheeN hai
ApnouN say magar chaahiye youN khiNch kay naa rehnaa

Aao jo meray ghar maiN tau izzat hai yeh meri
Woh saamnay seeRhi hai jo manzoor ho aanaa

Makhi nay sunni baat jo makRay kee tau boli
Hazrat! kissi naadaaN ko dijiye gaa yeh dhokaa

Iss jaal maiN makhi kabhi aanay kee naheeN hai
Jo aap kee seeRhi pay chaRhaa phir naheeN utraa

MakRay nay kaha: Wah Farebi mujhay samjhay
Tum saa koie naadaaN zamaanay maiN naa hogaa

Manzoor tumhaari mujhay khaatir thee, wagar naa
Kuch faaidah apnaa tau miraa iss maiN naheeN thaa

URti huvee aaie ho khudaa jaanay kahaaN say
TheRo jo mairay ghar maiN tau hai iss maiN buraa kiyaa?

Iss ghar maiN kaiee tum ko dikhaanay kee haiN cheezaiN
Baahir say nazar aataa hai choTi see yeh kuTTiyaa

LaTkay huvay darwaazouN pay baareek haiN parday
DeewaarouN ko aainsay say hai maiN nay sajaayaa

MehmaanouN kay aaraam ko haazir haiN bichonay
Har shakhs ko saamaaN yeh mayassar naheeN hotaa

Makhi nay kahaa: Khair! yeh sub theek hai laikin
MaiN aap kaay ghar aaouN, yeh umeed naa rakhnaa

Inn nar'm bichonouN say Khudaa mujh ko bachaaye
So jaaye koie inn pay tau phir uTh naheeN saktaa

makRay nay kahaa dil maiN, sunni baat jo uss kee
phaaNsooN issay kiss tarah yeh kambakht hai daanaa

Sau kaam khushaamad say nikaltay haiN jahaaN maiN
Dekho jissay duniya maiN Khushaamad ka hai bandaa
(No offence to some people at Gupshup )

Yeh soch kay Makhi say kahaa uss nay BaRRi Bee
Allah nay bakhshaa hai baRaa aap ko rutbaa

Hoti hai ussay aap kee soorat say mohabbat
Ho jiss nay kabhi aik nazar aap ko dekhaa

AankhaiN haiN kay heeray kee chamakti huvee kanniyaN
Sar aap kaa Allah nay kalghi say sajaayaa

Yeh hus'n, yeh poshaak, yeh Khoobi, yeh safaaie!
Phir uss pay Qiyaamat hai yeh uRtay huvay gaanaa

Makhi nay sunni jub yeh khushaamad tau paseeji
Boli kay naheeN aap say mujh ko koie khaTkaa

Inkaar kee aadat ko samajhti hooN buraa maiN
Such yeh hai kay dil toRnaa achaa naheeN hotaa

Yeh baat kahi aur uRi apni jagah say
Pass aaiee tau makRay nay uchal kar ussay pakRaa

Bhookaa tha kaiee roz say ab haath jo aaiee
Aaraam say ghar beTh kay makhi ko uRaayaa

Iblees kee Arz-daasht

Kehtaa thaa Azaazeel*, Khudaa wand-e-JahaaN say
Parkaala-e-Aatish huvee Adam kee kuf-e-khaak

JaaN laaghar-O-Tunn farba-O-malboos badan Zeb
Dil naza' kee haalat maiN, khird pukhtaa-O-chaalaak!

Naa paak jissay kehti thee Mashriq kee shariat
Maghrib kay FaqeehouN kaa yeh Fatwah hai kay hai paak

Tujh ko naheeN maaloom kay Hooraan-e-Bahishti!
Weeraani-e-Jannat kay tasawwur say haiN ghum naak?

Jamhoor kay Ibless haiN Arbaab-e-Siyaasat
Baaqi naheeN abb meri zaroorat tahey Aflaak

Ehd-e-Tifli (Era of Infancy)

Thay diyaar-e-Nau, Zameen-O-AasmaaN mairay liye
Wus'at-e-aaghosh-e-maadar ik jahaaN mairay liye

Thee har ik juNmbish nishaan-e-lutf-e-jaaN mairay liye
hurf-e-bay matlab thee khud meri zubaaN mairay liye

Dard-e-Tifli maiN agar koie rulataa thaa mujhay
Shoorish-e-zanjeer-e-dar maiN lutf aataa thaa mujhay

Taktay rehnaa haye! woh pehrouN talak suu-e-Qamar
Woh phaTTay baadal maiN, bay aawaaz-e-paa uss kaa safar

poochna reh reh kay uss kay koh-e-sehraa kee khabar
Aur woh hairat darogh-e-maslihat aamaiz par

Aankh waqf-e-deed thee, Lub maail-e-guftaar thaa
Dil naa thaa meraa, saraapaa zoq-e-istafsaar thaa!

Zindagi InsaaN kee ...

Zindagi InsaaN kee ik dumm kay siwaa kuch bhee nahiN
Dumm hawaa kee mouj hai, rum kay siwaa kuch bhee nahiN

Gul, Tabassum keh rahaa thaa Zindagaani ko, magar
Shamma boli, Girya'-e-Ghumm kay siwaa kuch bhee nahiN

Raaz-e-Hasti Raaz hai jubb tuk koie Mehram naa ho
Khul gayaa jiss dumm, tau Mehram kay siwaa kuch bhee nahiN

Zaairaan-e-Ka'aba say Iqbal yeh poochay koie
Kiya Haram ka tohfaa Zam-Zam kay siwaa kuch bhee nahiN









meaning of few difficult words:

uzlat = retirement

Duaa-e-Tiflak-e-Guftaar = A child's voice of prayer


Hai Takht-e-La'al-e-Shafaq par juloos-e-Akhtar-e-Shaam =Takht-e-La'al-e-shafaq is a reference to the sky at the sunset whenthere is SHAFAQ on the sky... while Juloos-e-Akhtar-e-shaam is referingto the millions of stars visible that time :-)

Bahisht-e-Deeda-e-Beenaa = Dekhnay waali aank kay liye Jannat kaa nazaarah

Jaan-e-Naa shikeba = Life without having tolerence

Tifl-e-Sagheer = a little child

sarod = song (a melodious one!)

Shikeb = Tolerence